- 13 -
Galak tasengcang Marah Baganti gali hatinjo mandangakan djarek ditahan buruang enggok djalo taserak ikan tibo batambah gadang hati,
Adiak denai Puti Marintan Aluih dangakan malah kato denai bialah puti dari lauik atau mambang dari langik nan dihati sungguah adiak surang.
Mangapo baitu kato denai karano adiak basuo njo ditalago dibawah gunuang.
Dangakan diadiak tjurito saukatu bapak denai manundjuak maadjari baliau bapasan maso itu djokok anak mantjari djodoh tjari dianak ka mano-mano bia dilauik bia didarek misiki ka sampai kalangik tinggi nan kadjadi djodoh anak kanduang ijolah nan mamakai tjeno di- bawah mato antaro mato djo bibianjo batjila- lak na basah dek aja mato itulah padusi nan bituah limpapeh rumah nan gadang atjang2 da- lam nagari dalam nagari itulah, nan disabuik talago dibawah gunuang.
Manolah adiak Puti Marintan Aluih di adiak basuo. nan bak nantun.
Bagaluik sanjum dibibia manjirah pipi nan mon- cok hati nan bak diambuang-ambuang hati lakek pandanglah sudah indak ka dapek diubah lai.
