- 17 -
kasajangan mande djo bapak djadi pamenan patang djo pagi banamo Mantjajo Alam.
Ado kapado suatu hari takana djandji maso itu handak mambao anak kanduang ka ateh gunuang Marapi pai mandjalang mande kanduang handak ma- lihek niniak Mantjajo Alam.
Alah barangkek maso itu didukuang Mantjajo Alam ijo dek bapaknjo Marah Baganti. Banjak- lah rimbo talalui barapo sungai disubarangi padang nan laweh dilampaui lalu mandaki hanjo lai.
Sapueh-pueh dek mandaki manurun pulo maso itu binatang rimbo badangusan ula malingka ateh kajutaduang maintai dibaliak dahan. harimau ma-linteh² djuo tabiklah takuik maso itu raso ka habih njao badan dilulua ula gadang² disuntiah dek biruang rimbo.
Alah panek garan tu kini dek lah lamo manurun mandaki lalu bakato Marintan Aluih:
Manolah tuan djanjo denai alah djauah kito ba- djalan alah panek tuan mandukuang ijolah anak kanduang kito mari kasiko denai gantikan !
Mandjawab Marah Baganti paluahlah rinai dika-
niangnjo pungguangnjo lah basah pulo:
Bialah denai mandukuangnjo rimbo gadang na kito tampuah barapo pulo pasawangan, Taruih- kan sadjo malah djalan.
