- 18 -
Dek lamo lambek didjalan alah mandata maso itu manampuah padang ribu² tampak talago dari djauh. Lalu bakato Puti Marintan Aluih:
Manolah tuan djundjuangan denai alah tibo garan kito ditalago Pintjuran Puti.
Samintaro hari balan tinggi elok basigiro ma- lah kito nak dapek djuo kito tibo dihari nan sahari nangko ijo dirumah mande kito alah raso basuo garan tu kini.
Djokok baitu kato adiak denai manuruik tan- tang nantun apokoh karadjo badan denai amak denal langsungkan pulo.
Basugiro malah kito ijo di Pintjuran Puti nang- ko. Djokok kito alah mandi badan barubah hanjo lai tubuah nan kasa djadi aluih. Paman- dangan barubah maso itu sagalo nan gaib alah ka nampak. Usah tuan takadjulk-kadjuik atau- pun gamang sasudah iko.
Turunlah mareko maso itu masuak kadalam talago Pintjuran Puti bakatjimpuang mandi dalam aia tingkah batingkah katjimpuang kaki babaleh dengan katjimpuang tangan rami bunjinjo bak ta- lempong.
Ado sabanta antaronjo galaklah Puti Marintan Aluih galaknjo badarai-darai : Bak mano parasaan tuan apo pikiran tuan kini
