- 24 -
malihek korong kampuang tuan hanjo sabuah pinto denai lakeh tuan pulang kamari. Idjan lamo kami ditinggakan tatjangguang malah anak kito tagamang Mantjajo Alam siapo dek denai tampek bamandjo.
Djokok baitu kato adiak sananglah hati manda- ngakan djokok lai izin adiak ijo denai nak malihek mande.
Tapi bak mano denai ka pai badan nan bak tjando iko tubuah denai saaluih nangko,
Hibo hatinjo Marintan Aluih malihek kurenah Marah Baganti roman baputuih aso sadjo:
Tantangan ditubuah tuan buliah pulo dikasa- kan baliak tapi sabalun rasionjo denai katokan badjandjilah tuan pado denai tuan nan indak kamungkia djandji kasiah tuan indak kapupua tjinto nan indak baubahi,
Kunun Marah Baganti taganang aia matonjo djauh tahibo dalam hati ramuak rasonjo paratian kasiah dianak bukan kapalang hibo rasonjo kaba- tjarai, Tapi taragak di mande indak tabado nam- pak-nampak pudiang di halaman tabajang pinang nan linggajunan baitu djuo kawan samo gadang sarito tapian tampaek mandi. Bakato bahibo-hibo:
Manolah adiak kanduang denai dek denai indak baulang. Saedaran gunuang Marapi salurah batang
