- 38 -
Sampai adjanjo Mantjajo Alam didalam tangan bapak kanduangnjo. Awak nan rantjak mudo matah harapan mande djo bapak djarek samato bundo kanduang atjang² dalam nagari ajam nan tangkeh digalanggang rabuitan puti dengan mambang.
Alah kalangang urang dimedan ajam batuah nan lah hilang alah kasunji tapian rami indak ado tampek bakutjindan lai.
Kunun di Marah Baganti didukuang anak maso itú badjalan didjalan rajo diturikkan labuah nan pandjang. Darah manitiak ateh tanah heran tatja- ngang urang banjak malihek rupo damikian. Babodong-bondong manuruikkan kalua sagalo isi nagari. Batangisan urang gadang katjiak satangahnjo manabah-nabah dado maratok babuah-buah Barapo pulo rando gadih bapakiakkan turun dari andjuang balarian kalabuah nan golong bangkakiah mato dek manangih manuruik djuo dibalakang.
Indak di sangko ka bak nantun singkek umuanjo Mantjajo Alam sanang taragak inja badjalan pai nan indak kababaliak lai mambari-bari arok sadjo ba- buah-buah bunji ratok bagai-bagai bunji pantun.
Dek lamo lambek didjalan alah sampai karu- mah Marintan Aluih.
Kunun di Puti Marintan Aluih darah badabok dabok djuo hati nan indak amuah sanang duduak tagak
