-5-
TALAGO DIBAWAH GUNUANG
Angin kantjang bukan kapalang, Tagerai ram- buik nan pandjang tasimbah-simbah kain dibadan namun lari ditjubo djuo.
Langkah nan pandjang manuruikkan mangadja djuo dibalakang. Dek lamo lambek mangadja dapek tangannjo dek Marah Baganti ijolah tangan Puti Marintan Aluih. Dipatjikkannjo arek² indak dapek manggaleta lai galak badarai maso itu.
Batambah tasirok darah didado bakutjak iman urang mudo maliek rupo gadih nantun ran- tjak nan bukan alang2 tjando dilukih digambakan.
Bunji angok bak kudo dilalah paluah basimbah pado badan. Kunun di Puti Marintan Aluih takuik batjampua djo tjameh malu rasonjo indak tabodo.
Bakato Marah Baganti galaknjo badarai-darai:
Manolah puti djanjo denai kamano djuo puti kalari indak kalapeh dari tangan!
Bakato pulo Puti Marintan Aluih injo mare- ngek-rengek ketek:
Tuan denai urang disiko tapehkan baa tangan denai malu diliek urang lalu djokok nampak dek urang ba-
