Habih rundiang Datuak Andiko, nan diri Sutan Landjungan, lah tingga diam antok sadjo, badan bak rasolah dirantau. Rago mananti kaputusan, angan² láb kamari pai, pangana lah manarawang langik, kiro² lah malilik gunung, dek rundiang ajah baru suni, bakato Tuanku Biopari.
Kok itu datuak tanjokan
Alah lah ado dalam agak
Mangko kadapek nan diangan
ljo ka Bodi Bulakan Tjupak
Kok untuang nasib barubab
Tahu di adat djo limbago
Djalanglah dunia Balai Tangsh
Sambia badagang baniago.
Kapalapeh bujuang badjalan
Nan pambarian dari ajah
Saribu pokok dek Landjungan
Kok kurang tuan lah manambah.
Tjantjang kabakeh balandasan
Lompek katampat basitumpu
Kakampuang Datuak Timbangan
Balaban hambo nan disitu.
Bujuang disitu lah ang duduak
Adat limbago nak njo njato
Baolah surek nan saputinak
Kaganti badan diri hambo.
Putuih kato dek tuanku, pokok saribu baundjuakan, tamanuang Sutan Landjungan, tidak disangko kabaitu. Nan taangan dalam hati, hanjo sakiro kabalandjo, kini lah pokok baundjuakan, sanang rasonjo dalam hati. Sasudah pitih ditarimo, balun sampai kasimpanan, bakato Datuak Andiko:
Mano lah garan ang bujuang
Dek hambo iko katambahan
Barek nak samo kami djudjuang
Tando mamak bakamanakan.
67
