kamudian, agak suka buliah minantu, antah kok jadi sambarangnyo.
Kalau baanak laki-laki, baru baumua anam tahun, siang masukkan ka sikolah, patang di rumah diajari, malam disuruah inyo ka surau, duo tigo jarek tatahan, salah satu manganai juo. Kok sampai balikh baaka, ditambah juo pangajian, ajari bana tu Nak kanduang, limbago pakaian urang mudo.
Inyo kok masuak alek jamu, tibo di dalam korong kampuang, naiak ka rumah tanggo urang, usah mancari tampek duduak, lewaikan pandang hilia mudiak, calikan urang kira kanan, nan patuik ditagua sapo, jan manyasak manyalingkik, urang nan usah dilongkahi, alek ado basipankga, kamu ado bajanang.
Kok tagak pagawai Ampang Limo, atau Si Bujang Palagan, ka manduduakkan alek jamu, jan awak baka handak hati, elok dipakai kandak bana, dituruik pandai janangnyo. Jan bak congkak urang kini, jikok tibo dialek urang, dicari tampek bakeh duduak, mano katuju di hatinyo, baso jauh taratik kurang, indak mangana kokok ayam. Alek jo jamu baduduakan, adat limbago baatuan, alek saparentah janang, awak di dalal alek urang, indak buliah salero sajo.
Walau kamano urang duduakkan, manuruik sajo nan wajibnyo, bahaso agak saketek, diikuik juo kasudahannyo, malah salamai kawak duduak, tibo carano di hadapan, capai saketek sadang galak, itu nan baso jo basi.
Sungguahpun galak kato mandeh, tigo pulo dang baginyo,
Partamo galak bangso setan Kaduo galak pagalutan Katigo galak pakaian nabi
Arati'galak bangso setan, galak tabahak tinggi hati, sarato pakiak jo langkiangnyo, bak lampatiak kanai asam, itu tak buliah kito pakai.
Arati 'galak pagalutan', galak adat samo gadang, samo mancari kasukoan, nan dipakai salalu hari.
116
