↓Laman ko alah diujibaco
Arati “galak pakaian nabi”, galak tasenggeng indak jadi, antah kan iyo antah kan indak, sadang manih diantikan. Antaro suko jo duko, di sanan buliah dilakukan.
Kalau duduak-duduak di dalam alek, janlah banyak sando gurau, usah bagarah bakucindan, usah dibuek olok-olok. Sapantun budi ka naiak, jan kito mudo tanaman.
Lambak nan daripado itu, buhua pulo di hatinyo: kasiah kapado korong kampuang, kasiah kapado alek jamu, kasiah kapado sasamo manusia. Kok tumbuah di awak alek jamu, elok manuladan himaik-himaik, jan ado cacek jo binaso, angik jo malu dalam dunia, taupek kito kasudahannyo.
Tarantang aka kalimpanang, Tasisik di paku kawek; Kok dirantang hanyo kan panjang, Kini elok kito pasingkek.
118
