tuo nan cilako, sabab indak ado baalemu.
Arati‘damuik badak jantan’, nan indak tahu di duri, kulik suriah jangeknyo luko, namun lenggok baitu juo, bak kabau jalang kareh hiduang, parunjuik pambulang tali, indaklah tahu di kandangnyo, bak alemu tukang rabab, indak buliah bakato awak, hanyo nan kandak inyo surang, indaklah buliah disalahi, itulah tuo nan cilako, sabab miskin pado budi.
Arati‘riang-riang asam’, bak kancah nan laweh arang. paham bak tabuang saruweh, kok dapek mambaokkannyo, taruah bana bak katidiang, kok tak elok-elok awainyo. tasuriah bana bak anjalai.
Siapo nan pandai maujukan, dipuji bamuko-muko barang siapo tak manuruik, barapo upek di balakang, sampai dicacek dihinokan, buruak sanan aiblah sanan, setan bajuntai di lidahnyo, galak ibilih manolongi, itulah tuo nan cilako, sabab indak kasiah di agamo.
Kamudian daripado itu, dangakan pulo oi Nak kan-duang, sipat manusia di ateh dunia nangko, adolah duo pakaronyo,
Partamo sipat kabancian,
Kaduo sipak kasayangan.
Adopun ‘sipat kabancian’, buliah denai bilang agak sapuluah,
Elok baso indak katuju
Baiak budi indak manantu
Gadang sanduak indak mambaok
Gadang ancak indak lalu
Elok tungkuih indak baisi
Gadang agak indak manyampai
Galang galogok indak bamalu
Gadang latuih indak baasok
Gadang lautan apopun indak.
Oi nak kanduang sibiran tulang, kok tapakai salah satu, nan
124
