banamo sipat kabancian, galaklah urang dinan kalam, gali talingo urang banyak.
Adopun sipat kasayangan, sapuluah pulo parkaronyo, Partamo pandai manyamokan manusia, indak balabiah indak bakurang; kaduo pandai mamaliharo hati manusia; katigo pandai malabiahkan rakanannyo, sarato takuik dangan malu; kaampek pandai marandahkan diri, muluik manih baso pun baiak; kalimo pandai maagak maagiahkan, dibaliak mangko dibalah; kaanam pandai baliku di nan tarang, kok balinduang di nan paneh; katujuah pandai mangambiak patangahan, sarato adab jo hormatnyo; kasalapan mulia sagalo janjinyo, sarato malu kapado Allah; kasambilan elok parangainyo duduak tagak, baiak taratik minum makan, anggota nan tujuah dipasuangnyo; kasapuluah suko manjunjuang titah rajo, kasiah di adat jo agamo, manuruik sapanjang kitab Allah, samparano iman Islamnyo, malangkah sarat dangan rukun.
Sabanyak-banyak pangajian, walaupun bak bintang ateh langik, atau bak ayia dalam lauik, indak lain indaklah bukan, mukasuik iman jo Islam.”
Kaba sampai ayam bakukuak
Murai bakicau hari siang;
Kurang garam Datuak manukuak
Tando mauleh kasiah sayang
TAMAT
126
