↓Laman ko alah sah
ladangnyo, pambayia utang mandindiang malu, sungguah utang lah tabayia, awak dalam gunjiangan urang juo.
Sabagai pulo oi Nak kanduang, Anak kok barundiang jo mintuo, jo bini awak sakali, sungguah-sungguahlah barundiang, banabana lah bakato, bari basantan batangguli, lamak manih didanga urang.
Kalau mupakat niniak mamak, sarato kaum kaluargo. jadi pangulu Anak kanduang, di sanan baban mangko barek, basakik bana tu Nak kanduang, lorong karangan jo buatan, satapak usah dilampaui, dangakan gurindam adat, disabuik kato pusako, lalok bakalang jo pusako, pituah guru jan talapeh, sungguahpun batang lah mardeso, ingek pucuak kok tahampeh.
- Duduak jo cupak gantang
- Kok tagak batungkek barih;
- Adat pusako kok mandatang
- Ayia satitiak jan tamiriah.
- Bajalan di alua patuik
- Bakato sopan di majilih;
- Jikok malu samo dituntuik
- Tumbuah di cupak kito lilih.
- Barundiang mambaok aduak
- Kok duduak marauik ranjau;
- Nan dapek paham manih saduak
- Dari lurah lah maninjau.
- Kok tagak maninjau jarah
- Bajalan manjapuik labo;
- Pangulu basipat murah
- Bungka ganok manahan cubo.
76
