↓Laman ko alah sah
Adat Urang Manjadi Panghulu
DANGAKAN pulo lai Nak kanduang, sajauah-jauah bajalan, sabarek-barek manjunjuang, labo rugi kana juo, rasaki nan jan dielakkan, tapi samantangpun bak nantun, lobo jo tamak jan dipakai, di dalam suko kajilah duko, dalam mulia kanalah hino, awak pangulu janyo urang.
Elok-elok mangganggam hulu, ingek-ingek bana mancancang, hukum adia bakato bana, kok manuruik tantang alua, kok bajalan di nan pasa, takuik dek karano salah, barani dek karano bana, nan bana usah dilongkahi.
- Mangko baitu janyo denai, Pangulu anam macamnyo:
- Partamo Pangulu nan di Tanjuang
- Kaduo Pangulu Ayam Gadang
- Katigo Pangulu Buluah Bambu
- Kaampek Pangulu Katuak-katuak
- Kalimo Pangulu Tupai Tuo
- Kaanam Pangulu Pisak Sarawa.
Oi Nak kanduang sibiran tulang, itulah kahinoan, usah bakubang Anak ka kiun, jan tacampuang ka nan anam, diamlah dalam martabat kito sanang di dalam sarat rukun, dangakan bana ibarat urang tuo :
78
