- Dek ribuik basah hilalang
- Dipayo padi satangkai;
- Hiduik nan usah mangapalang
- Kok tak kayo barani pakai.
- Dek ribuik runduaklah padi
- Dicupak Datuak Tumangguang;
- Hiduik kok tak jo budi
- Duduak tagak ka mari tangguang.
Oi Nak kanduang cubo pahamkan, lorong Pangulu nan anam nantun, sabab dek ambek denai larang, ingek pahamnyo denai tarangkan.
Arati‘Pangulu nan di Tanjuang’, bak pantun sipongah dalam ngalau, atau di dalam guo-guo, baiak di rongkok- rongkok tabiang, kito mahariak inyo mahariak, kito babuni inyo babuni, dihimbau buni iyo bana, dituruik indak nan basuo, diliek indak tampak rupo, babuni di buni urang, itu pangulu sipat duto, dareh antak lalu indak ado, babana di bana urang, elok dicaliak-caliak sajo.
Arati‘Pangulu Ayam Gadang’, bakotaik hilia bakotaik mudiak, bakukuak kiri bakukuak kanan, mangatokan tuah kamagahan, tiok suatu kabaiakan, awak sadonyo nan pangkanyo, walaupun urang nan asanyo, dilimpok jo kecek lamak, itulah saraik ayam gadang, bakotaik indak batalua, gadang tungkuih tak baisi, elok paluik pangabek kurang.
Arati“Pangulu Buluah Bambu’, batureh tampak di lua, tapi di dalam kosong sajo, indak baisi apopun juo, tampan elok takah balabiah, tagak rancak aka tak ado, alemu jauah sakali, apopun indak nan ditaruah.
Arati‘Pangulu Katuak-katuak’, itulah tontong rang di ladang, kalau diguguah inyo babuni, kalau urang tak nan mahimbau, indak tadanga suaronyo, kan barundiang awak tak pandai, mangecek itu nan indak dapek, manjadi damuik barek bibia, itu nan disabuik katuakkatuak.
80
