- Kaduo Undang-undang Nagari
- Katigo Undang-undang Dalam Nagari
- Kaampek Undang-undang Nan Duopuluah.
- Kato nan ampek parkaronyo,
- Partamo Kato Pusako
- Kaduo Kato Mupakat
- Katigo Kato Dahulu Kato Batapati
- Kaampek Kato Kamudian Kato Bacari.
- Cupak duo pakaronyo,
- Partamo Cupak Usali
- Kaduo Cupak Buatan.
Wajib dikaji tu Nak kanduang, dapekkan paham aratinyo, tantu mukasuik awa akhia, carilah tampek mananyokan, carilah guru mamintak paham.
Kok masuak Anak ka nan anam, Pangulu nan anam jinih nantun, nan mandeh sabuik-sabuik juo, di mano nagari ka salasai, di mano kampuang kan bacahayo, di mano kato buliah rami?
Pangka kusuiak ujuang bakaruik, bak si buto pai baladang, bak si binguang pai basiang, bak si bisu mambaco doa, tak tantu nan ka dikatokan, awak indak parnah baguru, lah digilo bayang-bayang, lah di mabuak angan-angan, dikacak langan lah bak langan, dikacak batih lah bak batih, angan di ateh awan sajo, pandai mancalo-calo urang, indak mangaji sarat jo rukun, indak manaruah aka budi.
Oi Nak kanduang dangakan bana, jikok tak ado baalemu, kok duduak di tangah medan, atau di balai pahimpunan, baiak di dalam korong kampuang, sadang di dalam alek jamu, banyak bicaro oi Nak kanduang.
Kok duduaksasamo gadang, samo Pangulu janyo urang, di sananlah tampak kurang awak, basisiah atah jo bareh, basibak kumpai jo kiambang, bak manjamua dalam jarami, bak kungkuang di
86
