Manuruik adaik biasonyo
Ditambiakan pado ayam
Kok induaknyo lai kuriak
Anaknyo kuriak juo
Kadang kadang manjadi biriang
Sakurangnyo lai bintiak juo
Lah baliak urang dari anjuang
Nilam Cayo jo si Mayang
Nasi alah mah tahidang
Lah makan urang nan barampek
Lah sudah minum jo makan
Bakato malah Angek Garang
Mano kakak nan baduo
Kak Datuak, kakak Nilam Cayo
Elok pai kakak barisuak
Iyo karumah Mayang Taurai
Jalang ayah sarato bundo
Bawolah siriah di carano
Carano ameh kakak bawo
Sabuik ambo mamintak maaf
Sagalo karajo nan talanjua
Katokan bana elok-elok
Dek Si Mayang tingga jo kakak
Manjalang kito kan baralek
Mukasuik ambo itu gasan
Iyo andak baralek gadang
Kiniko alun lai takao
Dek kito abih baralek
Bia pulang ambo daulu
Bisuak pagi ambo kamari
Manolah Upiak Mayang Taurai
Eloklah tidua kateh anjuang
Adiak lah panek itu garan
Agak laro dunduak ateh kudo
99
