MAMBUJUAK PUTI MAYANG TAURAI
Pagi-pagi itu garan
Baru baliak dari tapian
Alun kariang ambun di daun
Alah naiak Tuanku Angek Garang
Iyo ka rumah Kak Tuonyo
Pai basuo jo si Mayang
Alah sampai di ruang tangah
Tampak si Mayang sadang asik
Iyo manyusun nyusun samba
Malatakkan piriang di hidangan
Disembanyo tangan paja nantun
Dielonyo masuak ka surambi
Di sinan ado kasua pendek
Tampek duduak tamu nan datang
Lah duduak inyo kaduonyo
Iyolah duduak badakatan
Diraiahanyo kapalo si Mayang tu
Diciumnyo ubun-ubunnyo
Dilatakkannyo di ribaan
Digeraikannyo rambuik panjang
Diidu diusok-usok
Dirosoknyo muko lambek-lambek
Bakato inyo maso itu
"Mano diak sayang Mayang Taurai
Buah hati pangarang jantuang
Alah ko abih berang adiak
Ato ko iyo berang juo
Cubo garumeh muko kakak
Iyo sarupo nan kapatang
Gigik pulo tangan kakak ko
Mangapo adiak diam sajo
Lieklah bakeh gigik adiak
100
