Amam gigi tagamba sinan
Untuang darahnyo indak banyak
Tapi kan capuak itu nanti
Kan jadi tando kasiah kakak
Nan salamo saluruik iko
Kakak basuo parampuan
Alah sabaleh mah jo adiak
Alun ado tu surang juo
Nan kakak bujuak macam iko
Iyo diraiah ka pangkuan
Bialah sudah tu baralek
Si Mayang tadiam sajo
dipaguik dipaluak dek Tuanku
Dicium pipi jo matonyo
Inyo indak manggarik lai
Manyarah di lua tu tampaknyo
Di dalam ndak ado rang nan tau
Ado sabanta antaronyo
Datanglah Puti Nilam Cayo
Maajak makan inyo lai
Tagalak sanyum inyo sanan
Maliek laku rang baduo
Nan adaik dalam nagari
Kok urang alun lai kawin
Usahkan duduak badakatan
Basuo sajo indak buliah
Indak buliah manuruik adaik
Sabuah pulo itu garan
Gadih-gadih nan alun kawin
Mancaliak sajo dari jauah
Indak barani inyo garan
Kunun kan duduak di ribaan
Lah makan urang nan barampek
101
