,
Sarupo kapatang pulo
Bakato sanan Angék Garang
Manolah kakak kaduonyo
Alah ko cukuik itu garan
Siriah pinang jo caranonyo
Bajalan kakak baduo
Racaklah kudo Balang Candai
Usah mambawo dayang-dayang
Kok urang beko salah sangko
Mintak pakaian Mayang Taurai
Iyolah hanyo kain baju
Galang subang usah dibawo
Ado di siko untuak inyo
Agak pagi kakak bajalan
Usah hari paneh bana
Baru pulang sasudah makan
Jangan kakak baguluik bana
Tapikia pulo urang beko
Buek sajo sarupo biaso
Kito kan iyo badunsanak
Badunsanak sajak daulu
Bujuaklah urang nan baduo
Nak elok atinyo baliak
Mano diak sayang Mayang Taurai
Naiak diak kanduang kateh anjuang
Usah turun adiak kabawah
Sabalun pulang kakak kito
Bawo makanan tangah hari
Makan di anjuang adiak nanti
Sabagai pulo tu diak kanduang
Usah upiak mangecek-ngecek
Iyo jo urang di rumahko
Biapun inyo dayang-dayang
Baitu di rumah nan di muko
102
