Sampai kito baralek nanti
Bia pulang ambo daulu
Beko sanjo ambo kamari
Mandanga kaba dari kakak
Lah patang kironyo hari
Lah pulang urang nan baduo
Pulang nan dari Koto Tuo
Mambawo pasan dari sinan
Naiaklah Puti Nilam Cayo
Naiak ka ateh anjuang ameh
Tampak si Mayang sadang duduak
Sadang malantua-lantua jari
Ndak tampak garan di mukonyo
Inyo nan sadang rusuah risau
Gadanglah ati Nilam Cayo
Bakato inyo maso itu
"Mano diak kanduang Mayang Taurai
Iko mah kain baju Upiak
Lai dibarinyo jo elok
Iyo dek adiak Pamato Intan
Sanangkan hati adiak siko
Usah dirusuah dirisaukan
Nan kan manjago ayalı bundo
Inyo baduo alah mah tanang
Mandanga Upiak indak lai berang
Iyo kapado kakak Upiak
Diak Rajo Mangkuto Amel
Tasanyum sajo Mayang Taurai
Indak inyo bakato sapatah
Iyo sajak kapatangtu
Indak pado siapo tido
Diambiaknyo baju nan agak rancak
Digantinyo pakaiannyo
103
