Mangecek basando gurau
Badendang maayun anak
Mungkin disangko inyo garan
Si Mayang rang bisu bana
lyo si bisu biasonyo
Pandai galak pandai mamakiak
Mangecek juo jo isaraik
Tapi rang bisu nan surangko
Saroman tunggua mati sajo
Kapado Puti Nilam Cayo
Inyo nan angguak geleng sajo
Takadang sanyum nyo saketek
Bakato sapatah tidak
Lah pai garan Nilam Cayo
Karumah Puti Pamato Intan
Bacarito inyo tantang itu
Disabuik juo itu garan
Barang-barang nan diagiahnyo
Dibali baru kasadonyo
Tantang barang Puti Pinang Masak
Kan alah dibarikan kasadonyo
Iyo kapado Pamato Intan
Katiko maratuih hari
"Manolah adiak Pamato Intan
Biasokoh itu garan
Inyo babuek nan bak kian
Bagateh marajuak macam itu
Indak amuah minum makan
Indak amuah bakato kato
Manolah kakak kanduang ambo
Iyo kakak Nilam Cayo
Dari paja nan batigo
Iyo batigo anak ambo
Inyo garan nan paliang saba
106
