Padang tahunuih di tangannyo
Bakilek kanai cahayo
Tapakiak Puti Nilam Cayo
Antah siapo nan manolong
Tataruang tampak Angek Garang
Tatalungkuik di balakang si Mayang
Padangnyo iyo tapalantiang
Díambiak dek Nilam Cayo
Dilantiangkannyo jauah-jauah
Ado sabanta sudah itu
Alah mah duduak Angek Garang
Managih inyo maso itu
Manangih taisak-isak
Inyo kareh iyo bak setan.
Sajak inyo alah mah gadang
Alun panah inyo manangih
Bininyo lah banyak mati
Anaknyo iyo ado pulo
Alun panah satitiak juo
Aia matonyo nan kalua
Maliek cando nan bak kian
Dibaliakkan badan dek si Mayang
Tapi inyo tagak luruih juo
Diambiak tangannyo dek Puti Nilam
Dielonyo ka rajo Angek Garang
Dek inyo manuruik sajo
Dipaluak badannyo dek Rajo Angek
Dipangku dibawo pulang
Dituruikan dek Puti Nilam Cayo
Heranlah urang tangah jalan
Apo gerangan nan tajadi
Sajak maso katiko itu
Sakali tidak itu garan
Angek garang naiak rumah gadang
110
