↓Laman ko alah sah
Bapasan ayah jo bundo
Iyo kapado Mayang Taurai
Dari pado buruak nan tasuo
Elok inyo manyarah sajo
Manuruikkan nan di urang
Dek awak indak batanago
Kan malawan kuaik urang
Tasabuik Puti Mayang Taurai
Inyo iyo nak mancuboi
Baapo bana itu kini
Sayangnyo Tuanku Angek Garang
Hinggo rela inyo mati
Dibunuah Angek Garang di tapian
Dek Angek Garang lah manyasa
Sampai baurai aia mato
Inyopun kini alah tanang
Alah manyarah sapanualnyo
Dalam alek itu garan
Inyo lah baliak bak samulo
Iyo urang nan ramah tamah
Urang nan galak suok kida
Baitu tahadok suaminyo
Alah mah inyo manuruik sajo
Indak lai babisu-bisu
Awak di dalam tangan urang
Apo lai nan ka dikarehkan
Sananglah hati Angek Garang
Lah tampak pulo mah sayangnyo.
112
