SUTAN MAULANO
Lorong kapado Sutan Maulano
Nan alah disabuik juo
Iyo nan lari kalua kota
Lah payah andehnyo yo mancari
Inyo nan indak dapek juo
Mulo mulo itu garan
Inyo pai ka Koto Tuo
Di sinan ado kariknyo
Iyo mamak dek andehnyo
Adiak Rajo Mangkuto Ameh Tuo
Nan digantikan Angek Garang
Tantang Sutan Mangkuto Ameh
Bukan ndak buliah jadi rajo
Manggantikan yo kakaknyo
Tapi inyo indak amuah
Dek nagari kacau balau
Dikacau dek Angek Garang
Angek Garang nan dari ketek
Mausahokan dirinyo jadi rajo
Katiko datang Sutan Maulano
Talonjak raso hatinyo
Kamanakan ko iyo acok datang
Tapi lamo ndak tampak-tampak
Mano ang Buyuang cucu denai
Mangapo lamo ndak kamari
Taragak niniak pado Buyuang
Apo kaba ayah jo andeh Buyuang
Lah lamo bana ndak kamari
Ampun ambo niniak kanduang
Makonyo kami jarang kamari
Karajo barek dalam kampuang
113
