Dibukak Sutan tuduang saji
Lah makan inyo kaduonyo
Baru sudah minum jo makan
Datang urang maimbaukan
Ado dubalang Koto Lamo
Andak basuo jo niak Sutan
Barawari Sutan Maulano
Lari inyo ka dalam biliak
Kadalam biliak niniaknyo
Dek anduangnyo alah maningga
Barani sajo inyo masuak
Lorong kapado Sutan Tuo
Dituruiknyo urang ka halaman
Disuruah masuak itu garan
Manyambah dubalang maso itu
"Ampunlah ambo di Tuanku
Usah ambo naiak pulo
Kaba buruak nan ambo bawo
Iyo Andeh Puti Pinang Masak
Lah daulu inyo garan
Inyo mati tibo-tibo
Tajatuah di janjang ustano
Dek tampak panyakiknyo
Sabanta tibo di ustano
Sapakiak duo nyo mamakiak
Ilang nyawonyo maso itu.
Ampunlah ambo inyiak Sutan
Barangkek ambo daulu
Ambo alun masuak ustano
Iyo Ustano Koto Tuo
Dek iko nan labiah dakek
Kamari ambo daulu
Kanai berang ambo beko
115
