Kok ambo lambek kasanan
Kok baitu janyo du balang
Denai lapeh dubalang pai
Bia alun minum jo makan
Manuruik adaik biasonyo
Katokan pado Mangkuto Ameh
Sarato Puti Nilam Cayo
Baitu pulo Sutan Maulano
Sarato ayah kanduangnyo
Ambo lai mah kan datang"
"Ampuniah amboi nyiak Sutan
Tantang Tuanku Sutan Maulano
Indak di rumah tu mah kini
Ambo ko iyo disuruah
Disuruah andeh Puti Nilam
Iyo mancari Tuanku Sutan
Tapi sakarang kini nangko
Dek iko suruahan rajo kito
Iko nan ambo karajokan
Ambo takuik pado baliau
Iyo baliau Tuanku Rajo”
Mano dubalang urang mudo
Memang iko nan labiah paralu
Tantang si buyuang Sutan Maulaño
Urang jantan tu mah dubalang
Jantan badan jantan hatinyo
indak usah dicari bana
Inyo itu kan pulang juo"
"Ampunlah ambo Inyiak Sutan
Ambo barangkek anyo lai
Iyo barangkek ka ustano
Ustano nagari Koto Tuo
Lah pai dubalang Koto Lamo
Lah naiak Sutan Mangkuto Ameh
116
