Baeko ambo barundiang
Barundiang baduo sajo
Iyo jo Upiak Nilam Cayo"
Pailah sutan Mangkuto Ameh
Pai ka nagari Koto Lamo
Pai manjanguak nan kamatian
Iyolah Sutan Angek Garang
Kok Tuo banalah inyo
Tapi dek lai nyo barato
Disurahnyo juo yo anaknyo
Anaknyo nan laki-laki
Mambawo kabau yo saikua
Antah untuak panigo hari
Antah untuak panujuah hari
Pulang maalum pado si pangka
Maalum rajo kamatian
Indak saketek itu paralu
Iyo padi sarato taranak
Dek inyo pai bakudo
Agak talakeh inyo tibo
Dari urang nan lain-lain
Ditanyokannyo Angek Garang
Disabuik urang sadang sakik
Iyo di atah anjuang ameh
Dicarinyo si Nilam Cayo
Ditanyokannyo Sutan Maulano
Alah manangih inyo garan
Iyo urang si Nilam Cayo
Dibawo dek Sutan Mangkuto
Kamanakannyo itu garan
Baganjua ka suduik rumah
Dibisiakkannyo lah di sinan
Baso si Sutan di rumahnyo
118
