Kan diantanyo barisuaknyo
Iyo ka tampak adiiak si Nilam
Iyo ka nagari Koto Anau
Sananglah hati Nilam Cayo
Memang itu labiah elok
Kok mati Pinang Masak
Gantinyo tantu mudo juo
Camburu adiaknyo Angek Garang
Indakkan dapek dipadami
Ditanyo ati keteknyo
Tantulah ibo itu garan
Anak surang timbunan sayang
Alah buliah barumah tanggo
Tapi dek alun amuah juo
Kini kan bacarai tu jo inyo
Antah dalam barapo lamo
Bumi jo langik nan ka tahu
Lah pai garan dang mamaknyo
Dicarinyo Datuak Manti Tuo
Dibisaikkannyo kaba tadi
Tananglah pulo Rajo Gumanti
Karajo banyak kan dikaykok
Usah anak mambuek rusuah pulo
Tantang urang nan baduo ko
Ayah jo andeh sutan Maulano
Kok ado urang nan batanyo
Tantang anaknyo Sutan Maulano
Dikatokannyo agak sakik
Mancari dukun ka Supayang
Pado hari barisuaknyo
Tantang urang Sutan Maulano
Mamintak izin inyo garan
Pai karumah Tuanku Tuo
Andak basuo jo Mayang Taurai
Alah tibo inyo di situ
119
