Ado tu garan ciek duo
Buliah pulo niniak mamintak
Ka anak niniak ciek surang
Alah banyak itu baeko
Sabagai pulo itu Buyuang
Kok Buyuang mamakai kain baju
Iyo punyo Buyuang sandiri
Sapanjang nan niniak liek
Iyo pakaian anak rajo-rajo
Labiah tu beko urang tau.
Adok kamano Buyuang pai
Sanang sajo urang mancari
Salain pulo dari itu
Kito iyo baduo sajo
Nan kan bajalan dalam rimbo
Jalan satapak itu Buyuang
Kok basuo urang nan jahek
Payahlah kito ka mailak
Bia Buyuang manyaru daulu
Manyaru jadi urang kampuang
Buliah salamaik jalan kito
Itan di dalam rimbo rayo
Kok lah pulang denai nanti
lyo dari Koto Anau
Barang sabulan duo bulan
Denai nan tibo di nagari ko
Denai ka pai ka Koto Lamo
Mambawo baju nan Buyuang pakai
Iyo nan Buyuang pakai kini
Kapado Upiak Nilam Cayo
Kan denai suruah mah rewakkan
Kapado urang sanagari
Baso bajuko niniak bali
Dari urang manggaleh
124
