Iyo naiak ka rumah gadang
Rumah gadang sambilan ruang
Baanjuang suok jo kida
Sarupa Ustano Koto Lamo
Indak kito panjangkan kisah
Sutan Maulano ditarimo elok
Ditarimo jo gadang ati
Iyo dek Datuak Majo Lelo
Inyo banyak mambawo kain baju
Ditambah pokok dek Majo Lelo
Disuruahnyo Sutan baniago
Amak urang samo picayo
Maulano bukan sutan-sutan
Tapi cucu Sutan Mangkuto
Iyo urang Koto Tuo
Di nagari Koto Anau
Namo diganti itu garan
Iyo dengan Bujang Maulano
Inyo sudaga kain baju
Lah sanang tampak Bujang Maulano
Barangkek malah Sutan Mangkuto
Pulang babaliak ka Koto Tuo
Dianta dek Datuak Majo Lelo
Dek inyo ko kan pai juo
Ka nagari Koto Lamo
Pai manjanguak dang adiaknyo
Iyolah Rajo Mangkuto Ameh
Nan baru kamatian bini
Sananglah ati Nilam Cayo
Basuo jo adiak Koto Anau
Tampek manumpang Sutan Maulano
Wakatu adiak ko handak pulang
Dikirimkan pakaian Sutan Maulano
Dikirim pulo itu garan
128
