Bukan ambo bosan tu kak tuo
Maliek kamanakan kanduang
Tingga jo awak dalam rumah
Tapi iyo sabaliaknyo
Bagadang ati kami garan
Tapi sabaliak itu kini
Maingek umuanyo alah lanjuik
Kok ambo indak salah etong
Lah ampia garan dua puluah
Lah patuik bana inyo garan
Iyo pulang karumahnyo
Dek ambo baitu pulo
Kakak lai tau juo
Ambo punyo anak gadih
Iyo inyo si Cinto Manih
Dek urang ko lah samo patuih
Sumbang jangga di caliak urang
Dek inyo tingga sarumah
Maalun kakak tantang itu
Sabagai pulo itu kakak
Kami indak punyo dayang-dayang
Sagalo karajo ateh rumah
Si Cinto Manih mangarajokan
Juo mancuci kain baju
Tamuasuak kain baju Maulano
Maulano panah mah manyabuik
Hatinyo alah panah kanai
Iyo ka puti Mayang Taurai
Kiniko si Mayang alah kawin
Siapo lai dinantinyo
Tantang si Upiak Cinto Manih
Ado juo mah rancaknyo
Iyo indak sarancak i si Mayang
Maireh ireh ado juo
130
