Inyo babako bakeh kakak
Kok indak kan sarupo
Dek inyo iyo anak kampuang
Saketek tabawo juo
Roman kakak di mukonyo
Nan sakarang kini nangko
Di kakak kaputusannyo
Sarato kakak Manti Tuo
Maulano manyarah bakeh kakak
Sabuah lai nan takana
Sutan Maulano iyo tungkek rajo
Kok mati Tuanku Mangkoto Ameh
Iyo inyo nan ka manggantikan
Kok tajadi itu beko
Sutan mamiliah gadih lain
Untuak manjadi Andeh Suri
Kami indak kan ketek hati
Baitu juo Cinto Manih”
"Mano adiak kanduang Majo Lelo
Sarato andeh si Cinto Manih
Kato kalian alah didanga
Kok pintak alah mah sampai
Amek kalian pulang daulu
Kakak handak barundiang garan
Iyo jo kakak jo Gumanti
Lah panah inyo manyabuik
Akan manjapuik si Maulano
Untuak kamanakan kanduangyo
Nan banamo Reno Bulan”
Pado hari barisuaknyo
Tantang Datuak Majo Lelo
Dipanggia inyo dek kakaknyo
Iyo kakaknyo Rajo Gumanti
Bakato Tuanku Manti Tuo
131
