VII. SI BONGSU URAI
Baliak kito ka pangka kaji
Iyo nan mulo kito sabuik
Tantang Tuanku Angek Garang
Manyuruah japuik Bungsu Urai
Iyo baduo jo andehnyo
Limo taun kiro-kiro
Sasudah alek Mayang Taurai
Dibantah kato maso itu
Dek Tuanku Manti Tuo
Rajo Angek batambah berang
Dihunuih padang katiko tu
Handak mamancuang urang tuo
Nan manghalangi kahandaknyo
Ado sataun itu garan
Manjalang paja ka disuruah japuik
Si Bungsu memang acok datang
Iyo karumah kakaknyo tu
Bahari hari nyo di sinan
Kadang-kadang bapakan-pakan
Panah pulo sampai sabulan
Alasan inyo kasinan
Iyo manjago Majo Intan
Anak ko umua tigo taun
Kakaknyo baranak ketek
Jarang turun dari anjuang
Tapi inyo nan sabananyo
Inyo nan jadi pamenan
Jadi pamenan Angck Garang
Digendong sapanjang rumah
Dicium düdu saluruah badan
Adang-adang dijulang tinggi
134
