Upiak tingga sapakan lai”
"Upiak namuah tingga sapakan
Tapi balikan galang ameh
Nan sarupo punyo kak Mayang
Dalam maso sapakan tu
Kakak taruih tingga di rumah
Usah pai kamano-mano
Dilapehkannyo lihia kakaknyo
Balari inyo mintak dikaja
Bakaja kajaran sapanuah rumah
Sambia bakulik macam alang
Marumeh paruik Mayang Taurai
Adang-adang inyo manyuruak
Manyuruak mintak dicari
Kok kakaknyo lambek mancari
Inyo bahe manangih gadang
Manangih minta dibujuak
Dibujuak jo dukuah ameh
Itu malalai Angek Garang
Alah hampia mah sataun
Kajadian nan bak kian
Kian hari batambah laruik
Acok managih Puti Mayang
Di tagah indak tatagah
Inyo pulo nan kanai berang
Iyo dek Rajo Angek Garang
Patangkaran acok tajadi
Antaro si Mayang jo lakinyo
Inyo ingekkan janji daulu
Samaso inyo alun kawin
Kan sayang sapanjang maso
Kan elok sapanjang hari
Kiniko iko nan tasuo
Habih batangka biasonyo
136
