Inyo juo nan kanai tapuak
Kok datang elok Angek Garang
Acok pulo inyo bakato
Mano adiak sayang Puti Mayang
Buah hati balahan jiwa
Sayang ka Upiak ndak barubah
Mangapo Upiak berang-berang
Si Bongsu adiak kito baduo
Indak inyo ambo pangapokan
Bagaluik bariang hati
Apo pulo kan salahnyo
Inyo baru paja andia
Paja andia paja anyia
Alun tau maapuih salemo
Kan ambo pangakan inyo garan
Dek kau lah lamo sakik
Dek rumahko aniang sajo
Bak rumah indak bapaunyi
Itu ambo gadang hati
Kok inyo datang kamari
Datangnyo indak kakak japuik
Inyo disuruah urang sinan
Datang manjago Majo Intan
Mangapo inyo kakak tulak
Salah malah kakak beko
Iyo dek ayah mandeh kito
Tantang urang nan baduo ko
Alah sayang nyo jo ambo
Sajak Upiak sayang jo kakak
Sajak kito mulo kawin
Alah sabaleh bini kakak
Alun ado kakak sayangi
Sarupo sayang ka upiak
Kan Upiak lai tau juo
137
