Iyo kapado Pamato Intan
Manyabuik parangai adiak kanduangnyo
Sarato Puti Bongsu Urai
Agak takajuik Pamato Intan
Indak inyo sangko-sangko
Sabab nan tau inyo garan
Mayang Taurai itu garan
Timbunan kasiah Angek Garang
Dek saroman jo inyo sangkek mudo
Sabagai pulo tu sababnyo
Mako inyo indak manyangko
Si Bongsu indak panah kanai japuik
Inyo sajo nan nak kasinan
Sabab disuruah Mayang Taurai
Baitu kato Bongsu Urai
Tiok inyo kan barangkek
Sajak Puti Nilam cayo
Mandatangi rumah Koto Tuo
Si Bongsu indak lai datang
Ka nagari Koto Lamo
Taheran garan Angek Garang
Si Mayang diberanginyo
Tapi si Mayang inyo mangaku
Inyo indak tau manau
Untuang si rajo indak tau
Iyo kakaknyo nan lah pai
Iyo pai ka Koto Tuo
Kok tau inyo garan
Tantu inyo kan berang bana
Iyo pado Nilam Cayo
Ado sabulan sudah itu
Datang Puti Pamato Intan
139
