Maliek anak jo cucunyo
Lah lamo indak dilieknyo
Bakato inyo pada rang baduo
lyo si Mayang jo Tuanku
Iyo Tuanku Angek Garang
"Manolah anak kanduang Aneh
Si Bongsu andeh larang kamari
Baitu kato Bong Mano adiak kito badu
Indak dek sabab apo-apo
Inyo mah lah duo baleh
Alah patuih inyo dipingik
Sabagai pule itu garan
Amai si Mayang adiak ayahnyo
Lah datang inyo ka rumah
Mamintak si Bongsu untuak anaknyo
Anaknyo Sutan Pamenan
Urang nan sadang manih a rancak
Sukolah kami manarimo
Tasirah muko Angek Garang
Indak manjawek inyo garan
Tasanak raso dadonyo
Tapi apo kan dibuck
Urang kuaso atch anaknyo
Tantang si Upiak Bongsu Urai
Sajak inyo tu dipingik
Indak saketek berang hatinyo
Inyo mamakiak kareh-kareh
Kadang managih marantak-rantak
Macam urang batuka aka
Inyo indak amuah paduli
Pado Sutan Pamenan
Biapun alah di sabuik
140
