Ado pulo itu garan
Inyo diam-diam sajo
Indak manyauik kok disapo
Agak rusuah pulo andehnyo
Maliek anak damikian
Dek lah lamo nan baitu
Kabanyo iyo sampai juo
Sadang kapadao Rajo Koto Lamo
Indak tabado doh berangnyo
Dek itu inyo suruah japuik
Inyo paso urang manjapuik
Japuik tabawo jo andehnyo
Andehnyo kan dimaki-maki
Inyo dipandang nan basalah
Lah payah Datuak Manti Tuo
Mambana malarang nyo manjapuik
Tapi inyo kareh juo
Indak inyo bapikia panjang
Indak maliek kabalakang
Barangkek dubalang jo pandeka
Mambawo kudo sikua surang
Manjapuik si Bongsu jo andehnyo
Ka nagari Koto Tuo
Pandeka indak ditarimo
Iyo dek Tuanku nan sati
Dikatokan itu garan
Inyo lai kan datang surang
Diantakannyo sandiri
Sarato Puti Pamato Intan
Lah berang pulo mah pandeka
Inyo taraso dihinokan
Sabab indak dibawo naiak ustano
Disuruah sajo nyo babaliak
142
