Sadang mangumpuakan baju
Ameh perak dibawo juo
Dek barang-barang itu
Pambarian Angek Garang
"Beko buliah andeh caliak
Baapo sayangnyo bakeh ambo
Ambo nan indak kan dilapeh
Iyo tagak di ateh tanah
Nyato didukuang dari kudo
Dijulang dibuai-buai
Dipaluak diciumnyo pueh-pueh
Sarupo jo Majo Intan
Sarato Upiak Sari Intan
Iyo anak kami batigo
Hati siapo ndak kan sanang
Dibuek sarupo itu
Lorong dek kakak Sutan Pamenan
Bia inyo urang mudo
Alun tantu macam itu
Sangkek inyo datang ka ustano
Andak basuo tu jo ambo
Manyapo sajo inyo indak
Sanyum kida sanyum suok
Sarupo urang alah bisu
Naiak ayahnyo kateh kudo
Naiak pulo si Bongsu urai
Dinaikkan dek dubalang
Dibalakangnyo Pamato Intan
Dek kudo lai gadang tinggi
Dek itu banamo Sambarani
Tuanku rajo sadang berang
Sadang datang kakuatannyo
Capek juo lari kudo tu
145
