Singgah sabanta itu garan
Iyo di rumah Manti Tuo
Sabanta pulo sudah itu
Iyo di rumah Mangku Bumi
Dipacu kudo masuak rimbo
Indak jaleh arah tujuan
Manggaretang Bongsu urai.
Nak malompek dari kudo
Dipacík arek dek andehnyo
Dek lambek lamo di jalan
Sampai inyo katangah rimbo
Katampek Tuanku biaso batarak
Disinan ado pondok ketek
Tampek Tuanku manyatukan diri
Iyo jo bumi dengan langik
Di waktu bulan baru tabik
Duo hari dalam sabulan
Lah turun Tuanku nan Sati
Diturunkannyo Bongsu Urai
Malompek, sorang Pamato Intan
Dek inyo pandai naiak kudo
Alah manangih Bongsu Urai
Manangih baibo-ibo
"Mangapo ambo dibunuah
Dianta ka dalam rimbo
Apo garan salah ambo
Ambo bukan tu nak kawin
lyo jo kakak Mangkuto Ameh
Ambo lai tau juo
Inyo tu laki kakak ambo
Indak buliah manuruik adaik
Ambo yn takuik kanai sumpah
Bakato garan andchnyo
Indak Upiak kan dibunuah
146
