Sudah itu ambo ditinggakan
Kadang ambo manangih kareh
Mintak lalok samo jo inyo
Tapi inyo indak amuah
Ambo bagantuang dilihianyo
Diciumnyo badan ambo
Dipaluaknyo ambo kuaik-kuaik
Iyo itu nan lamak bana
Tapi indak amuah tidua
Inyo takuik ka kakak Mayang
Dek itu ambo banci kini
Banci kapado kakak Mayang
Mangapo mako dilarangnyo
Dikatokannyo pado ambo
Pintu anjuang usah dikunci
Tapi inyo indak panah datang
Tantu ndak buliah dek kak Mayang
Manangih ambo manantinyo
Pagi-pagi ambo dijapuik
Dijapuik kaateh anjuang
Dibawo mandi kabalakang
Dibukaknyo sagalo kain
Digosoknyo ambo lamo-lamo
Jo sabun nan harum bana
Sudah itu dibadakinyo
Dipakaikan pakaian baru
Sananglah pulo hati ambo
Lupo diberang tadi malamnyo
Sataun andeh maazab ambo
Kini ambo dikicuah pulo
Dibawo ka dalam rimbo rayo
Di mano ambo indak berang
Ambo berang ambo manyumpah
Andeh kacekkan dek sayang andeh
152
