Kok iyo andeh lai sayang
Kok datang ayah baeko
Antakan juo ambo lakeh
Amboh baleh isuak sayang andeh
Kok takuik ayah jo andeh
Iyo kapado kakak ambo
Latakkan ambo di tapi koto
Bia ambo bajalan surang
Indak kan sasek ambo garan
Alah acok ambo kasanan"
Andehnyo tahaniang sajo
Indak tantu nan ka disabuik
Anak lah jaleh kanai rayu
Kanai bujuak kanai pakasiah
Inyo nan baru paja ketek
Di mano jiwanyo nan ka tahan
Sadang si Mayang nan lah gadang
Lah banci lamo kapadonyo
Lah punyo pulo tampek hati
Lai dapek inyo pangaruhi
Sayang tatungkuik bakeh inyo
Lah lupo sutan Maulano
Laḥ lamo orang nan baduo
Iyo manunggu Tuanku Rajo
Inyo nan indak datang juo
Lah hampia malam pulo hari
Rusuahlah hati kaduonyo
Sabagai pulo itu garan
Makanan alun lai tabawo
Apo tidak lain dari kain
Itupun indak banyak bana
lyo pitih ameh jo perak
Disimpan sajo di pinggangnyo
153
