↓Laman ko alah sah
Nan di badan urang tu sajo
Iyo nan tingga pado inyo
Lah malam kironyo hari
Catuih api indak ado pulo
Bapaluakan nyo dalam kalam
Bongsu Urai managih baliak
"Iko tandonyo sayang ayah
Kito dianta masuak rimbo
Inyo nan indak baliak juo
Apo jadinyo kito andeh
Kan jadi lauak harimau sajo
"Mano nak upiak Bungsu Urai
Latok upiak kalok nak sayang
Usah lai takuik bakeh rimau
Iko tampek ayah batarak
Indak ado harimau siko
Kok ado bana inyo garan
Indak inyo kan marusak
Inyo takuik bakeh ayah upiak
Tantang ayah Upiak itu
Indak mungkin inyo talambek
Kalau indak ado nan tajadi
Nasi alun lai tabawo
Kito indak ditinggakan pitih
154
