IX ANGEK GARANG MANGHADANG KOTO TUO.
Lorong kapado Angek Garang
Mancaliak taruih kahalaman
Kok iyo datang Bongsu Urai
Dianta ayah jo andehnyo
Dek indak datang-datang juo
Berangnyo batambah garan
Bak urang satangah gilo
Indak amuah nyo lai tu
Mananti hari bisuak
Turun inyo kahalaman
Batapuak tangan tigo kali
Lah datang dubalang tuo
Bakato inyo maso itu
"Mano mamak Dubalang Tuo
Kumpuakan dubalang nan baranam
Sarato pandeka baranam pulo
Agiah inyo alaik sanjato
lyo padang dengan tombak
Kumpuakan kudo duo baleh
Kudo pandeka jo dubalang
Kito barangkek ka Koto Tuo
Kito hadang nagari tu
Kito bunuah yo rajonyo
Mandanga kato nan bak kian
Manyambah garan dubalang Tuo
"Ampun ambo Tuanku Rajo
Mangapo kito pai manyarang
Manyarang ka Koto Tuo
Iyo nagari Andeh Suri
Ayah andeh nan ka kito sarang
Usah lai mamak banyak kecek
Kan denai nan mamaciak tampuak
155
