Tampuak nagari nangko
Kato denai nan ka didanga
Parentah denai nan ka dituruik
Kok lai ibo di batang lihia
Kok Mamak nak tau juo
Apo garan nan mambuek
Iyo ambo berang kini
Tanyokan pado pandeka rajo
Sarato dubalang tangah hari
Nan disuruah ka Koto Tuo
Tasabuik Datuak Rajo Gumanti
Urang tuo dałam nagari
Maliek kudo duo baleh
Pandeka dubalang disampiangnyo
Takajuik bana inyo garan
Balari turun ka halaman
Lansuang ka laman istano rajo
Mancaliak rajo tagak sinan
Manyambah inyo maso itu
"Ampun ambo Tuanku Rajo
Apo garan nan tajadi
Adokoh musuah nan datang
Dari mano garan datangnyo
Ambo nan indak diagiah tau"
"Manolah kakak Manti Tuo
Sangajo ambo babuek
Indak sapakaik jo nan banyak
Sabab nan lain iko beko
Banyak nan indak ka satuju
Dek ambo pai manghadang
Manghadang ka Koto Tuo
Ayah Mayang Taurai
Mayang Taurai Andeh Suri
156
