Sakuaik kuaik suaronyo
Turun garan bujang salamaik
Dari janjang inyo lah manyambah
Ampun Tuanku Koto Lamo
Dalam Ustano iko kini
Urang banamo laki-laki
Iyolah diri ambo surang
Rajo kami pai bajalan
Maanta Tuanku Bongsu Urai
Kanagari Koto Lamo
Ha, ha, hahahaha...tadanga Angek Garang galak
"Inyo pai lai bakudo
Atokah inyo bajalan kaki
Bari bana ambo batanyo"
"Ampunlah ambo dang Tuanku
Inyo pai iyo bakudo
Saikua kudo untuak batigo
Dari pagi inyo barangkek”
Sampai kini alun tibo
Ado garan jalan lain
Iyo jalan ka Koto Lamo
Jalan baru garan dibuek
Dek Tuanku Sati Koto Tuo"
Turun Tuanku Angek Garang
Nan lain tagak dakek janjang
Mananti parentah dari rajonyo
Tadanga parentah Angek Garang
Marantak mahantam tangah rumah
Mamanggia kambang dayang-dayang
"Mano kalian nan banyak ko
Cubo jawek tanyo denai
158
