Dijawek jo nan bana
Kok tasuo duto kalian
Lihia kalian tantangannyo
Denai batanyo kini nangko
Di mano Rajo kalian
Di mano Andeh Surinyo
Di mano Puti Bongsu Urai
Manyambah garan nan tuonyo
"'Ampunlah ambo dang Tuanku
Iyo Tuanku Rajo kami
Sarato andeh Suri kami
Inyo pai ka Koto Lamo
Maanta Tuanku Bongsu Urai
Mano andeh inang pangasuah
Mangapo si Bongsu diantakan
Indak ado urang manjapuik
Inyo anak dalam dipingik
Tunangan Sutan Pamenan"
"Mangko inyo diantakan
Dek manangih siang malam
Manangih mintak diantakan
Inyo taragak jo kakaknyo
Kakaknyo Tuanku Mayang Taurai
"Ado kalian nan lain ko
Nan tau bana itu garan
Kamano urangko barangkek
Jalan nan mano dituruiknyo
Manjawab saurang dayang-dayang
Nan agak bagak itu garan
"Ampunlah kami di Tuanku
Inyo bakato bakeh andeli
Baitu juo salamonyo
Dari andeh kami tau
159
