Kamano garan inyo pai
Kok indak inyo kasinan
Indak basuo nyo di jalan
Rusuahlah kami mamikiakan"
Batapuak tangan Angek Garang
Batapuak duo kali duo
Naiak dubalang jo pandeka
Barampek urang naiak rumah
"Manolah Andeh Inang pangasuah
Sarato dayang kasadonyo
Bukak sagalo biliak anjuang
Sarato biliak tangah rumah
Kami ko handak mancari
Dimano garan rang nan tigo
Manyuruak di rumah nangko
Birawari dayang jo panginang
Dibukak sagalo pintu biliak
Biliak anjuang dipareso dek Tuanku
Biliak lain dek urang nan barampek
Dek indak ado nan basuo
Iyo urang nan dicari
Turunlah inyo kahalaman
Naiak sakali kateli kudo
Barangkek inyo kasadonyo
Karumah Datuak Manti Tuo.
Baru sampai tangah halaman
Tampak kudo Tuanku Sati
Dipacik dubalang dang talinyo
Iyo dubalang di rumah tu
Turun inyo dari kudo
Iyo Tuanku Angek Garang
Tali kudo nyo lapehkan sajo
Naiak sakali kateh rumah
160
