Halaman:Rangkiang Luluih.pdf/184

Nan mangadu nan kan barabih
Maagiah pitih baka di jalan
Sarato maagiah minum makan
Puti kito kan dapek juo
Kok indak dapek jo elok
Jo buruak kan dapek juo
Ndak lalu dandang di aia
Di gurun di rangkakkannyo

Rajo kito urang baiak
Indak inyo nak bakareh
Indak inyo nak baparang
Itu inyo sarahkan sajo
Iyo puti nan baduo
Nan kiniko inyo batahan
Ibo di puti kaduonyo
Nan ketek ka jadi pamainan
Bak mancik sirah di mainkan kuciang
Nan gadang maracun ati
Kironyo badannyo jadi umpan
Mati dibunuah Angek Garang

Tasabuik urang nan banyak tu
Dek babisiak nan baitu
Lah lupo juo lapa paruik
Nak tidua ndak dapek juo
Rangik mandanguang bagai labah
Kain saruang indak tabawo

Urang nan kuaik kaba
Iyo pandeka jo dubalang
Ado juo nan bakaruah
Indak pusiang nyo jo rangik
Sarato paruik nan karoncong

Bakukuak ayam sakali
Alah gak gadang malah hati