Sananglah pulo hati ambo
Apo guno kito baparang
Jikok mati di pihak siko
Atau mati di pihak sinan
Kito sadonyo kailangan
Kito nan indak bamusuahan
Indak panah dari daulu
Koto Lamo jo Koto Tuo
Urangnyo tatap badunsanak
Tapi sabuah itu kini
Si Mayang tantu indak mungkin
Nan inyo kan jadi rajo
Jadi kaduo nagariko
Saparentah denai itu garan
Iyo dari hari ko kateh
Duo nagari surang rajo
Indaklah mungkin mamarentah
Denai ko indak kuaso
Dari kiniko kaateh
Ado nagari Koto Lamo
Ilang nagari Koto Tuo
Manjadi satu kaduonyo
Sabagai pulo itu garan
Nan patuik kito supakati
Datuak Mangku tantu surang
Baitu Datuak Manti Tuo
Baitu pandeka rajo
Baitu pulo dubalang Tuo
Mandeh Rubiah surang pulo
Baitu juo rajo janang
Mamintak denai bakeh mamak
Iyolah Mamak Manti Tuo
Sarato mamak Mangku Bumi
176
